بسم الله الرحمن الرحيم
كيفكم يا بنات؟ كيف استعداداتكم للعيد ؟
كل سنه و أنتوا بخير يا رب و ينعاد علينا و عليكم بالصحه و العافيه يا رب
خلص رمضان بسرعه :"(( ربي يعيدو علينا و عليكم اعواما عديده و نخرج منو مغفورين الذنب و معتوقين من النار.
اليوم حبيت اجبلكم ريفيو سريع خفيف عن كريم الأساس و بودرة فيت مي من مايبيلين
يعتبروا من الدرق ستور سعرهم جدا رخيص.
أول شي حاتكلم عن كريم الأساس
قوامه سائل خفيف يندمج بسهوله على البشره و احساسه خفيف كمان على البشره مايضايق ابدا
درجاته كثير يعني مناسبه لجميع الاندرتونز البارده و الدافئه و الطبيعيه
فلازم تعرفي اندرتونك عشان تختاري الدر جه المناسبه
يجي نوعين الأول وهوا اللي عندي مناسب للبشرات المختلطه و الدهنيه
يعطي نهايه مطفيه و مات
النوع الثاني مكتوب عليه للبشرات المختلطه والجافه
يعطي نهايه ديوي او نديه للي تحب النهايه الديوي
يقلل مظهر المسام و يصغرها
مناسب للنهار لأنه خفيف زي ماذكرت و كمان مناسب للمناسبات لأنك تقدري تتحكمي بالتغطيه
تغطيته من متوسطه إلى تغطيه كامله
لو حسيتي انه خفيف زيدي طبقه عشان يعطيكي تغطيه أكثرمن غير ماتحسي أنه ثقيل ابدا.
طريقة الدمج بالطبطبه بالبيوتي بلندر أو اسفنجة ريل تكنيكز
اعتقد و مو متأكده إنه يحتوي على واقي شمسي
ينصحوا بيه أطباء الجلد كاستخدام يومي.
و كمان زي ماسمعت من بلوقرز كثير انه يعتبر بديل أرخص لكريم اساس توم فورد
أنا اعتبرته بديل أرخص لفاونديشن اتش دي فور ايفر.
عيبه الوحيد انه مافيه ضغاط يعني تكبيه على يدك وممكن تستهلكي كميه اكبر من اللي تحتاجيها.
سعره في الدرق ستور في أمريكا بحدود ال ٢٥ - ٣٠ ريال
سعره في السعوديه في سنتر بوينت ٦٠ ريال.
حجمه زي اي كريم اساس ٣٠ مل.
نجي للباودر
الباودر تجي بشكل مضغوط أو كيك باودر
خفيفه على البشره أثبت بيها الفاونديشن بإستخدام فرشة البفنق من ريل تكنيكز.
مميزاتها نفس مميزات الفاونديشن من حيث درجاتها
و نهايتها و تقليل المسام
العلبه صغيره و كيوت تقدري تحطيها في شنطة مكياجك
كمان جوتها مرايا و اسفنجه صغيره.
العلبه صغيره و كيوت تقدري تحطيها في شنطة مكياجك
كمان جوتها مرايا و اسفنجه صغيره.
سعرها في الدرق ستور نفس سعر الفاونديشن.
أتمنى يكون الريفيو عجبكم 3>
0 التعليقات:
Post a Comment