بسم الله الرحمن الرحيم
اشتهرت في الآونه الأخيره الأرواج السائله المطفيه و الثابته و أغلب الشركات صاروا منزلين كوليكشنات
للأرواج السائله ، بدايةً بشركه (لايم كرايم) كانت أول شركه صنعت الارواج السائله في عبوات
شبه عبوات القلوسات و لكن تختلف التركيبه . و بعدها انطلقت الشركات زي شركة (قيرلاكتيك) و (انستازيا) و غيرهم الكثير
تركيبة الأرواج السائله تكون ثقيله شويا وميزتها انو لما تحطيها على الشفايف وتتركيها ١٠ ثواني
اليوم حعملكم ريفيو عن ارواج شركة ال ايه سبلاش
ال ايه سبلاش نزلت كوليكشن كبير من الارواج السائله المطفيه تقريبا ١٨ او ١٩ درجه
كلها جميله و احترت في الاختيار لتجربتها و طبعا كالعاده الواني معروفه اللي اختارها كلها بين الوردي و النود و اللحمي
و اذا حختار لون غامق اختار طبعا العودي :)
بصراحه كانت ثاني تجربه ليا للارواج السائله المطفيه بعد قيرلاكتيك
ماحسيت بفرق كبير بينهم ، يمكن ارواج قيرلاكتيك تركيبتها انعم شويا و مخمليه على الشفايف و ماتحتاج ترطيب كثير قبل الاستخدام
عكس ال ايه سبلاش اذا حابه يكون توزيعها سهل على شفايفك لازم تقشير و ترطيب قبل الاستخدام عشان لايتكتل معاكي
بالنسبه للالوان متفاوته فيه الوان حلوه صراحه و في الوان باهته و تحتاج انك تخلطيها مع لون ثاني عشان تطلع حلوه
بالنسبه ليا الالوان اللي جربتها من اليمين :
Nymph-adora : لونو عجبني مره لحمي على لمحة موف و مايحتاج تخلطيه مع لون ثاني مره حبيتو صراحه.
Ghoulish: اللون هذا يشبه لون كشمير من (لايم كرايم) كثير بس لازم احط قبلو لون عشان يعطيني النتيجه المرضيه.
Charmed : اللون دا لحمي فاااتح على بينك تقريبا حلو بس برضو من الالوان الباهته اللي تحتاج خلط.
Vampire: لونو عودي غامق جدا مناسب للسهرات والمناسبات بس بصراحه تركيبتو غريبه اول مره لما حطيتو حسيت انه اتكتل معايا وماقدرت اوزعو مزبوط على شفايفي رغم اني كنت مرطبه شفايفي بس المشكله دي حسيتها مع اغلب الارواج الغامقه و خصوصا اللون العودي ،، في المره الثانيه لما استخدمتو حطيت على شفايفي قبلو روج ( ديفا ) من ماك و مشي الحال و طلع مرره حلو :)
في الاخير : انصحكم بتجربة ارواج ال ايه سبلاش تقدروا تطلبوها اون لاين او من التاجرات
متوفر في متجري شازي شوب ;)
ShaziShop
اتمنى يكون الريفيو عجبكم اشوفكم في ريفيوهات تانيه ان شاءالله :*
حلوه الالوان وانا مدمنه علی اول لون من اليمين عشق
ReplyDeleteحلوه الالوان وانا مدمنه علی اول لون من اليمين عشق
ReplyDeleteThis comment has been removed by the author.
Deleteاللون الثاني من اليمين اللي ع يدك يسسسسسسطل ❤❤❤❤❤ ع ميك سموكي اسود و عنابي 😓😍😍😍😍😍😍
ReplyDeleteاللون الثاني من اليمين اللي ع يدك يسسسسسسطل ❤❤❤❤❤ ع ميك سموكي اسود و عنابي 😓😍😍😍😍😍😍
ReplyDeleteشكرا خلود .. فعلا مره رائع على سموك 👍🏼
ReplyDeleteدمااار الالواان ماشالله 😍😍
ReplyDelete