البــــدايــه || The Start

بسم الله الرحمن الرحيم .. و الصلاه والسلام على أشرف المرسلين سيدنا محمد و على آله وصحبه أجمعين.

اليوم الجمعه الموافق ٢١ اغسطس سنة ٢٠١٥ ميلاديه سوف أبدأ رحلتي مع التدوين في عالم الصحه و الجمال.

اتمنى من الله عز وجل ان اكون عند حسن ظنكم جميعا :)

كلكم حتسألوني ايش اللي خلاني اتجه للتدوين؟

 انا اقولكم السبب :) 

حسيت اني حابه افيد البنات بتجاربي لكل المنتجات اللي استخدمها و تكون مفيده لكل بنت ومهمه في نفس الوقت 

كمان لادماني الشديد بالصحه و الجمال خصوصا الميك اب فحبيت اشارككم رأيي وتشاركوني آرائكم

وفيه سبب كمان :) 

بصراحه تابعت الكثير من البلوقرز و اتعرفت على اهم بلوقر في السعوديه (وفاء) >> لا احد يزعل من البلوقرز الباقيين

بس هذا رأيي الشخصي من متابعتي للبلوقرز بصراحه حسيت انها انسانه جدا ثقه في المجال دا

اتحمست من متابعتي لها وحبيت اني امشي على خطاها و ابدأ بالتدوين

و ما انسى اشكر البلوقر (هيا) لانها ساعدتني في التعلم في كتابة المدونات :*

ليه عملت مدونه و انا عندي متجر ميك اب ؟

كلكم حتقولو اني ابغا اسوق لمنتجاتي :) 

بس حاقولكم انه ٥٠٪ صح !!! ليه ٥٠٪ 

لاني صحيح حآسوق لمنتجاتي ولكن اللي اشوفو برأيي انه فعلا منتج يستحق التسويق ويستحق انه كل بنت تمتلك هذا المنتج

يعني ماراح اجي امدح منتج وهو فاشل لان دي امانه و راح يسألني ربي عنها يوم القيامه :) 

في الاخير .. اتمنى من الجميع دعمي للوصول لاكبر عدد من الناس عشان افيد المجتمع 

وتمنياتي لي و لكم بالتوفيق :*

6 comments Random