السلام عليكم ورحمة الله وبركاته
حبيت اليوم اذكرلكم تجربتي الشخصيه لفاونديشن الترا اتش دي السائل من ميك اب فورايفر، ومعنى تجربتي الشخصيه يعني ممكن يكون ناسبني بس مايناسب غيري و العكس :)
حكلمكم عن تركيبة الفاونديشن ، تغطيته ، درجاته ، أفضل طريقه لتطبيقه ناسبتني .
اللي حمسني لتجربة الفاونديشن قرأت اكثر من ريفيو و شفت اكثر من فيديو وفهمت انو تركيبة الفاونديشن مصممه بتقنية ال 4K . ايش يعني تقنية ال 4K ؟ يعني يكون الفاونديشن غير مرئي للعين المجرده و لا للكاميرات يعني مناسب للتصوير الفوتوغرافي و الفيديو.
الفاونديشن المفروض يعطيكي تغطيه خفيفه و بنتيجه رائعه وطبيعيه جدا.
درجات الفاونديشن جدا متعدده و متفاوته باندرتونز مختلفه يعني اي وحده ممكن تلاقي الدرجه المناسبه لها اكيد بإذن الله
تركيبة الفاونديشن سائل خفيف ماحسيت اني حاطه شي على بشرتي .
نهايته ساتين لا مطفي و لا بلمعه .
يبان طبيعي على البشره .
تغطيته خفيفه لمتوسطه .
لو حابه تغطيه عاليه ممكن تزيدي طبقه زي ماقلت انه احساسه خفيف على البشره عشان كدا تقدري تتحكمي في التغطيه.
ثباته ممتاز ،، بالمناسبه هنا حبيت اذكر اني استخدمت قبله عينه جات معاه من البرايمر تبع نفس الشركه البرايمر اللي جا معاه كان البرايمر المرطب وثبتو بباودر من تارت الموضح في الصوره. بودره شفافه تركيبتها شبه باودر الترا اتش دي من فورايفر الشفافه، اعطاني نتيجه حلوه وممتازه وثبات عالي ، لكن لأن بشرتي مختلطه فبعد كم ساعه اعطاني منظر دهني حول الانف :(
عشان كدا قررت اني ان شاء الله اشتري البرايمر المطفي لتطبيقه في المناطق الدهنيه من بشرتي لضمان الحصول على نتيجه ممتازه فعلا.
الفاونديشن مناسب للبشرات اللي ماعندها عيوب كثير و ماتحتاج تغطيه جدا عاليه.
أفضل طريقه لتطبيق الفاونديشن و اللي ناسبتني شخصيا هي إني اوزع الفاونديشن بفرشاه مسطحه على كامل الوجه. ضغتين منو تكفيكي لتغطيه خفيفه بعد كدا ادمجو بأسفنجة ريل تكنيكز او بيوتي بلندر مبلوله وبطريقة الطبطبه على كامل الوجه والرقبه.
ولنتيجه ممتازه ممكن بعد الاسفنجه تستخدمي فرشة البفنق من ريل تيكنيكز تدمجلك الفاونديشن اكثر ويتعطيكي لوك طبيعي .
الخطوه الاخيره لتثبيت الفاونديشن هي استخدام باودر للتثبيت .. زي ماذكرت لكم فوق انا استخدم باودر من تارت
smooth operator Amazonian clay
pressed finishing powder
بودره مضغوطه شفافه للتثبيت مناسبه جدا للبشرات الدهنيه و المختلطه لانها توازن دهنية البشره.
اوزعها بفرشة البفنق.
اوزعها بفرشة البفنق.
الطريقه دي ناسبتني جدا و اعطتني اللوك الطبيعي اللي احبو.
سعر الفاونديشن ٢١٠ ريال متوفر في جميع فروع سيفورا وميك اب فورايفر.
اتمنى يكون الريفيو عجبكم و اشوفكم في ريفيوهات قادمه ان شاءالله .
موضوع رائع
ReplyDeleteشركة نقل عفش بالرياض
اخبار السيارات
ReplyDeleteاخبار السيارات