السلام عليكم ورحمة الله و بركاته
كيفكون يا صبايا ؟
كلكم اكيد تعرفوا باليتات اربان ديكاي خصوصا (نيكد).. الشركه نزلت اول باليت (نيكد) سنة ٢٠١٢ ا و ٢٠١٣ مني فاكره بالزبط
وبعدها نزلت باليت (نيكد ٢) وبعدين (نيكد٣ )
و كان كل باليت مختلف كليا عن الباليت اللي قبله
سنة ٢٠١٥ فاجأتنا الشركه كالعاده باصدار جديد ورائع اسمه (نيكد سموكي)
حينزل ان شاء الله في سيفورا (جده) تاريخ ١ سبتمبر ٢٠١٥
اتوقع سعره بحدود ٢٨٠ او ٣٠٠ ريال
عن نفسي حقيقي ماقدرت استنى و اشتريتو اون لاين :D
آآآآآه .. آيش اقول وايش اخلي
اول شي التغليف رهيب صراحه تحسو العلبه كأنها قطعة رخام فخمه جدا و ثقيله
نجي للالوان ...
شي خوورااافه لاتقاوم
في اصدار (نيكد سموكي) ٩ الوان جديده اول مره تنزل في سلسلة باليتات (نيكد)
و ٣ الوان موجوده في باليتاتهم الاولى
الالوان متدرجه بين البرونزيات الدافئه و البنيات و اسود غامق و رماديات و رمادي داكن
فيها الوان مره تنفع هايلايتر و في لون بني ينفع للحواجب
انا اعتبره باليت متكامل وعملي جدا لكل يوم و للسهرات
شوفو سواتشات الالوان في الصوره الجيه
اخر شيء .. الباليت تجي مع فرشه بجهتين رائعه جدا
جهه مستدقه و جهه لدمج الوان السموكي 3> 3>
ان شاء الله يكون عجبكم الريفيو و اشوفكم في ريفيوهات تانيه :*
نيكد الغنيه عن التعريف
ReplyDeleteتتهني فيها يا رب
يعطيكي الف عافيه
ReplyDelete